Geverifieerde Resensie
Northern Cape
Al die resensies is deur LekkeSlaap-gaste geskryf wat in Northern Cape bespreek het
Hierdie plek het 'n gemiddeld van 4 uit 5 gekry volgens 7895 resensies.
"Die Tauren is 'n restaurant wat 'n besoek werd is met heerlike goed voorbereide disse en topklas diens. Ons het ook die Springbok Inn besoek, maar behalwe dat dit baie mooi is nie getoets om dit te bepunt nie. 'n Baie woelige dorp veral oor 'n naweek."
"Elke mens moet die wonder van Augrabies minstens een keer in die lewe sien en ervaar. Hier vind ek weer myself, keer op keer in die stilte wat jou ore seermaak."
"Mooi wêreld met die pragtige kameeldoringbome oral. Beste gholfbaan in die land tussen pragtige kameeldoring plantasie. Kalahari klub goed toegerus en baie netjies."
"Vir natuurmense wat nie bang is om ver van ander te wees op baie plekke nie is dit onverbeterlik."
"Aanbeveel as toeristebestemming. Oorskadu sommige peperduur oorde wat ons onlangs besoek het, wat prys en gehalte betref."
"Die mense is vriendelik en behulpsaam. Besoek gerus die koffiewinkel. Jy kry meer as net kliëntediens daar."
"'n Mens moet so elke nou en dan jou siel kom lawe onder die sterre en in die stilte."
"It is very difficult to get around when you are unfamiliar with the area but the people are more than happy to lend a hand."
"Kathu het baie potensiaal. Aangenaam as 'n oorbly-dorp, met goeie stedelike geriewe. Die golfklub het 'n pragtige restaurant en omgewing."
"Hulle Spar is toe op 'n Sondag. Moet dus nie beplan om inkopies te doen nie!"
"Die meeste mense in die groep is/was Nieuwoudtvillers en dit was heerlik om weer die lekker vroeë vars lug en rustigheid te kon in asem."
"Die dorp is pragtig groen en oral is daar bewyse van 'n egte gemeenskap wat omgee vir die dorp en mekaar. Die mense is hartlik en net so mooi soos die natuur en die besonderse sandklip argitektuur. 'n Bonus was dat dit lamtyd was en dat daar oral vrolike lammetjies op groen gras saam met die ooie gewy het. Voorwaar 'n plek waar die siel kan asemhaal!"
"'n Oulike plekkie met wonderlike vriendelike mense. Dit was wonderlik om daar te bly en lekker te rus."
"Die Mannetjies Roux museum kan besoek word. Die Merino Restaurant berei die lekkerste skaapvleisdisse."
"Daar is nie veel te doen in Kakamas nie behalwe die Pienk Padstal en die Oranjerivier brug. In Keimoes is ook nog die ander bekende droë vrugte padstal en verder is daar ook nie veel anders te sien nie. Kakamas is 'n lekker stilhouplek op pad na of vanaf Augrabies."
"Rustige atmosfeer. Gawe mense. Kos uitstekend. Stil en mooi area. Besoek die plek gerus."
