Geverifieerde Resensie
Cape Route 62
Al die resensies is deur LekkeSlaap-gaste geskryf wat in Cape Route 62 bespreek het
Hierdie plek het 'n gemiddeld van 4.6 uit 5 gekry volgens 4931 resensies.
"Baie spesiaal. Vars vye te lekker om in woorde te beskryf so ook vars amandels en dan olywe. Heerlik gedrentel deur museum, kunshandelaar en winkeltjies. Spesiale kinderprojek belangrik om te ondersteun. Strate so skoon en netjies en inwoners vriendelik. Heerlike kaas, olywe, koue vleis en broodbord by hotel gehad vir middagete."
"Wat 'n veilige en rustige bestemming met die oulikste en heerlikste snuffel- en kuierplekkies. 'n Moet om te besoek."
"'n Pragtige dorpie met interessante huisies en strate wat jou lei na verrassings. The Gallery se kos is puik! Victoria Room se kos was ook baie lekker. Die Showroom was iets besonders om te beleef op so klein dorpie. Vanaf die dam is die uitsig werklik besonders. Ons sal beslis mense aanraai om nie Prins Albert te mis nie!"
"Daardie gesegde "dinamiet kom in klein pakkies voor" is verseker op hierdie dorpie van toepassing! Van die hoofstraat tot anderkant die Swartbergpas kry mens 'n ervaring om elke hoek en draai! Hoogtepunte vir ons was definitief Simple Saffron en The Showroom - albei 'n moet! Dankie Prins Albert dat jy ons soos "royalty" hanteer het! "
"Dis regtige 'n ongelooflike plek! Die mense is vriendelik en die dorpie prentjieboek mooi! Eseltjiesrus is 'n definitiewe moet! Ek sal more daar gaan woon! Asemrowend!"
"Pragtige dorpie! Vermy die Swartbergpas - dis 'n nou grondpadpaadjie oor die berg! Tensy jy senuwees van staal het! Baie mooi uitsig van daarbo af!"
"Ons het net oornag en het nie kans gehad om rond te loop nie. Die idee wat ons gekry het is dat dit 'n lekker kuierplek kan wees. Die Saterdag Mark was 'n wenner."
"De Rust se gasvryheid is alom bekend. Stop, staan oor, beleef, loop van die een interessante plek na die volgende en jy sal die kultuur van De Rust saam met jou neem. Dankie De Rust en die inwoners vir julle vriendelikheid en gasvryheid."
"Ons is motorfietsryers en Prince Albert is 'n ideale basis om die omgewing te verken."
"'n Pragtige plattelandse dorpie met 'n fantastiese bakkery (Louretta's) en slaghuis (Pinto's)."
"Lieflike dorp. Kosmopolitaanse gevoel gemeng met platteland. Die koffiewinkel langs Swartberg Hotel het fantastiese diens en kos. "
"McGregor het sy eie tyd, jy vang nie sommer die kroeg oop daar nie. Sou dit graag wou sien, maar die eienaars besluit of hulle wil oop wees of nie. Maar dit maak dit alles net soveel meer interessant. "
"The wine route and surrounding activities are exceptional in this area, but Robertson itself is a bit of a sleepy hollow with minimal tourist attractions."
