Geverifieerde Resensie
Northern Cape
Al die resensies is deur LekkeSlaap-gaste geskryf wat in Northern Cape bespreek het
Hierdie plek het 'n gemiddeld van 4 uit 5 gekry volgens 7950 resensies.
"Ek sou Colesberg nie spesifiek as 'n goeie toeristebestemming beskryf nie. Die enigste rede hoekom ons daar stop is omdat dit 'n goeie halfpad-stopplek is oppad terug Johannesburg toe."
"Ek het respek vir die inwoners van Colesberg wie hul eie wonings in gastehuise omskep het. Sodoende het van die inwoners van Colesberg bygedra tot 'n nuwe plaaslike ekonomie. Dit is 'n groot en eerbare prestasie! "
"Dis 'n klein dorpie, eerste keer in my lewe daar deur, maar dit is 'n belewenis en baie om te sien op die pad."
"Eintlik 'n goed bewaarde geheim! Sal 'n kort vakansie daar oorweeg - as die Karoo net eers weer reën gekry het!"
"Hopetown is 'n klein plekkie in die middel van die Karoo. Dit was ontsettend warm (41° C ) As toeris is ek dankbaar om daar te kan oornag maar ek sal dit nie aanbeveel as eindbestemming nie. Die N12 is 'n baie beter roete as die N1 af Kaap toe. Hopetown kan in die basiese behoefte van die reisiger voorsien. "
"Ongelukkig het die Mannetjies Roux Museum toegemaak maar die res van die dorp is nogsteeds 'n treffer."
"Ek sal graag JC's Pizzeria en Pub vir reisigers aanbeveel, heerlike kos, vriendelike diens en goeie waarde vir geld. Dit is selfs troeteldiervriendelik."
"Oulike museum in die dorp! Lekker geëet by die Merino Restaurant. 'n Mens kan selfs 'n rondte gholf hier speel!"
"Werklik verlate dorpie maar ideale oornag verblyf op pad Kaapstad toe."
"Colesberg is mynsinsiens nie 'n toeristebestemming as sulks nie, maar 'n lieflike oorblyplek op pad kus toe."
"Was aangenaam verras. Was ons eerste besoek aan Springbok. Oulike dorpie. Uitstekende kos by Springbok Lodge."
"Pragtige dorp om aan te doen. Duidelik die snelweg na Namibië van die Kaap. Moet net nie op 'n vakansiedag daar aankom nie, niks is oop nie so maak voorsiening. Alles is daar sou die winkels oop wees wat 'n gemaklike verblyf verseker. Ons besoek baie geniet. "
"Tipiese Karoo - mens het baie meer tyd nodig want daar is té veel om te ontdek."
