Geverifieerde Resensie
Karoo
Al die resensies is deur LekkeSlaap-gaste geskryf wat in Karoo bespreek het
Hierdie plek het 'n gemiddeld van 4.2 uit 5 gekry volgens 11336 resensies.
"Die Karoo het altyd verrassings as jy weet waar om te kyk, selfs al lyk dit op die oogaf asof alles bar en dood is. Die mense is gasvry en spontaan en 'n mens voel sommer dadelik deel van die omgewing en mense en dit maak die verskil in enige toeristebestemming."
"Ek beveel enige reisiger aan om by Waterkloof te gaan bier proe by die mikro-brouery! Heerlik (en ek is nie 'n bierdrinker nie!)"
"Die Plattelander lyk uiters gewild en die dorpie is goed geleë tussen Gauteng en die Oos-Kaap."
"Mooi dorpie, maar ongelukkig is die paaie, soos by ander dorpe ook, baie sleg!"
"Die dorpie is pragtig en die mense is gasvry en vriendelik. Sal graag weer tyd daar deurbring!"
"Tjailatyd restaurant se kos is smaaklik en die diens is baie goed. Het dit baie geniet."
"Ons slegte verblyf het ons opvinding oor Prins Albert redelik bederf! Dit lyk egter na ‘n baie mooi plek."
"Die Karoo is so mooi, maar min van ons neem die tyd om dit beter te verken. My pa het in Willowmore groot geword en my Ouma Burger het in Graaff-Reinet gebly so die Karoo is bietjie in my bloed. Die dorpe neem 'n mens terug na 'n rustiger tyd en die natuurskoon is asemrowend."
"Die dorpie is stil en die mense vriendelik. Ons het Saterdag 13h45 in die dorp aangekom en Die Boekwinkel restaurant wat al 14h00 sou toe maak was meer as gewillig toe ons gebel het vooraf vir 'n wegneemmiddagete om ons the help. Hulle het gewag tot ons daar was voor ons kos gemaak is en dit was heerlik. Die personeel wat ons bedien het was ook heeltemal gewillig dat ons sit en nie wegneem vat nie, maar rustig daar eet en deurstap en 'n glasie wyn geniet. Jy sal ver gaan as stadsmens om sulke helder sterre te sien en die stilte te ervaar met net windpompe wat die nagstilte breek."
