Geverifieerde Resensie
Free State
Al die resensies is deur LekkeSlaap-gaste geskryf wat in Free State bespreek het
Hierdie plek het 'n gemiddeld van 4.3 uit 5 gekry volgens 7961 resensies.
"Baie sentraal geleë vir besoeke aan besienswaardighede in die omgewing soos AfriSki, Golden Gate en Clarens."
"Baie lekker maar 'n naweek is genoeg om alles te sien as ek langer gebly het sou ek verveeld gewees het."
"Area is naby alles - eetplekke en winkelsentrums. Toegang tot hoofroetes is baie maklik."
"Dit is 'n ideale toeristebestemming, alhoewel vir Suid-Afrikaners bietjie duur. 'n Mens moet net genoeg vrugte en groente saamneem as jy self etes wil voorberei, aangesien dit nie volop beskikbaar is nie."
"Bloemfontein was baie koud, maar ons was goed ingerig met elektriese kombers en warm lugreëling. Die warm persoonlikhede van die mense in Bloemfontein het opgemaak vir die koue en almal is uiters vriendelik en behulpsaam."
"Dit is 'n mooi klein dorpie en heel lekker om in oor te slaap oppad van die Kaap na Gauteng. Daar is egter nie eintlik 'n eetplek oop in die aand nie."
"Parys is 'n dorp met baie karakter en dit is wonderlik om te sien hoe inwoners hulle inisiatief gebruik om toerisme geleenthede te benut. Dit wel egter voorkom asof die munisipaliteit en die plaaslike owerheid heelwat meer kan doen om te sorg dat die dorp 'n gunsteling bly onder besoekers. Die Vaalrivier wat by die dorp verbyvloei speel 'n groot rol in Parys se aantrekkingskrag. Die voortdurende besoedeling as gevolg van rioolafval wat in die rivier invloei, moet so gou as moontlik stopgesit word, ter wille van die dorpenaars sowel as vakansiegangers en reisigers. Dit wil ook voorkom of misdaad aan die toeneem is in Parys. Dit moet vroegtydig in die kiem gesmoor word voordat dit 'n vlak bereik waar dit mense begin afskrik om die skilderagtige dorp te besoek. "
"Hierdie was ons eerste besoek aan Clarens. Ek is verlief op die dorpie. Kan nie wag om weer terug te gaan nie. Die uniekheid van elke winkeltjie en eetplek, hier is niks kommersieel nie en dit voel omtrent of jy in 'n ander wêreld ingestap het. Die verskeidenheid eetplekke, die deli's en kaaswinkeltjies! Genoeg om die kids mee besig te hou by die avontuur sentrum ook! Beslis my nuwe gunsteling bestemming!"
"As dit nie vir Clarens Extreme op die dorp was nie sou dit baie vinniger al vervelig geraak het, maar dit is 'n baie mooi en vriendelike dorpie."
"Eintlik moet Clarens as 'n wegbreekbestemming 10 sterre kry. Daar is net iets omtrent die Oos-Vrystaat."
